Ngaran Rupa-Rupa Kasakit Dina Awak

Babareuhan nyaeta kasakit (busung lapar), barareuh meh saluar awak; kasakit bareuh di hiji tempat dina awak (semu muncunghul kawas bisul, ngan taya mataan)

Balas bogo nyaeta kasakit kulit sabangsa hapur, warnana bodas, semu karadak

Borok nyaeta kasakit kulit mangrupa koreng

Botoleun nyaeta kasakit dina dampal suku anu liangan

Budug nyaeta kasakit kulit, barudus atawa carenang, biasana arateul lantaran kuman

Bungkul nyaeta sabangsa bisul ngan leuwih teuas

Cacar nyaeta kuris, kasakit kulit nu babari tepa, carenang dina sakujur awak

Cacingeun nyaeta kasakit (budak) dina beuteung lantaran cacing.

Cenang nyaeta sarupa bisul ngan leutik, aya nanahan, biasana lantaran ateul nu digaro, tuluy infeksi

Conge nyaeta kasakit dina jero ceuli (budak), kaluar nanah.

Daging jadi nyaeta daging anu jadi teu samistina tur ngalantarankeun ayana kasakit, daging jadi biasana dina tikoro, leungeun, jsb

Ewateun nyaeta kasakit kulit, warnana semu beureum ngagebleg (meh siga kulit ganas). karasana ateul, renyem; ganaseun sok aya oge nu nyebut "sekat".

 Gelo nyaeta Burung, teu waras igetan.

Geregesen nyaeta Kasakit nyeuri kiih, aya nu dilantarankeun ku ayana batu di jero rarangan aya oge nu heunteu.

Gondok nyaeta Kasakit dina beuheung, siga bareuh nepi ka ngagondoy (melendung), tumerapna sok nahun.

Gondongeun nyaeta Kasakit bareuh dina beuheung bagian luhur, tumerepna heunteu lila; sok disebut oge “kasakit anjing”.

Hapur nyaeta Kasakit kulit totol-totol barodas, karasana ateul mun kakesangan, babari tepa.

Hapur beusi nyaeta Hapur nu leuwih kandeul, hese leungitna.

Hapur kembang nyaeta Hapur nu bodas katempona, bisa diubaran ku daun laja, jsb., leuwih ipis tibatan hapur beusi.

Hileudeun nyaeta Kasakit lantaran infeksi dina ramo jeroeun kuku, ngandung nanah tur nyanyautan karasana.

Jengkoleun nyaeta Kasakit nyeuri kiih ku dilantarankeun ku racun nu aya dina buah jengkol; jengkoleun biasana tumerap lamun ngadahar jengkol rorosaan.

Jangar nyaeta Rieut, nyeuri sirah, jejeletetan.

Kesrek nyaeta Kasakit kulit saperti eksim garing.

Kokoloteun nyaeta Kasakit kulit dina beungeut (semu harideung) lantaran mindeng kapanasan atawa ku sabab sok make wedak murah; kokoloteun biasana tumerap ka awewe.

Kolera nyaeta Kasakit nyeuri beuteung nu babari nular, bisa mateni; cirina utah-utahan jeung ngayer terus.

Kotokeun nyaeta Kasakit panon, kurang awas nenjo/ningali, Siga hayam teu awas upama geus peuting.

Kuhkul nyaeta Ewateun, kasakit kulit dina beungeut.

Kuris nyaeta Kasakit cacar.

Kutil nyaeta Kasakit sabangsa ewateun ngan leuwih gede tur leuwih teuas, mun diantep sok ngalobaan saperti nu anakan.

Leuncangeun nyaeta Kasakit dina sela-sela ramo suku, marentis atwa bareulah, dilantarankeun ku kuman cai, karasana ateul.

Lilinieun nyaetaLeungeun jeung sirah ngadegdeg dilantarankeun ku kakolotan (aki-aki/nini-nini).

Lumpuh nyaeta Awak leuleus teu bisa lempang atawa paeh sabeulah lantaran gangguan urat sarap.

Mata iwakeun nyaeta Sarupa kutil, biasana dina ramo leungeun atawa ramo suku, tumerepna tara lila tur tara ngalobaan kawas kutil.

Mejen nyaeta Hese miceun (ngising), kabeubeung, disentri.

Menter nyaeta Kasakit di dero beuteung nu gede bahayana, sarta babari tepa lantaran cai atawa kadaharan; menter sarua jeung tipes.

Mengi nyaeta Asma, ampeg, panyakit hese ngambekan pangpangna upama katiisan, bisa nepa lamun pacorok  wadah kadaharan.

Mimiseun nyaeta Kaluar geutih tina irung lantaran sariawan, jsb.

Muriang nyaeta Awak paranas-tiris katerap panyakit malaria, influensa, jsb.

Nyeuri huntu nyaeta Huntu karasa nyeuri alatan koropok, jsb.

Peluh nyaeta Kasakit lalaki, upama raranganana teu daekeun heuras.

Peuteuyeun nyaeta Kasakit nyeuri kiih nu dilantarankeun ku racun nu aya dina buah peuteuy; peuteuyeun sok tumerap lamun ngadahar peuteuy rorosaan; peuteuyeun lewih parna tibatan jengkoleun.

Reunghaseun nyaetaKasakit kulit, kulit semu tarutung tur semu bareulah (kawas tangkal reunghas), reungahseun sok tumerap lamun kulit kakeunaan ku geutah reunghas.

Rieut nyaeta Nyeuri sirah.

Rorombeheun nyaeta Kasakit dina dampal suku pangpangna dina keuneung, kulitna bareulah.

Sakalor nyaeta Kasakit sarap, nu boga kasakit sakalor teu karana puguh sababna sok ngadadak teu eling, tuluy ngagolepak kapaehan, sungutna/bahamna ngabudah.

Salatri nyaeta Kasakit anu timbul lantaran kosong beuteung, karasa lieur, sebel, tur kaluar kesang tiis.

Salesma nyaeta Kasakit di jero irung, lantaran katiisan (mindeung beresin sarta lehoan).

Sampar nyaeta Kasakit kulit nu babari tepa.

Sarab nyaeta Sarua kasakit kulit, tumerapna ka budak.

Sariawan nyaeta Kasakit nu ngalantarankeun barusuh atawa kalua rgeutih tina irung atawa gugusi.

Sumbilangeun nyaeta Kasakit awewe, nyeuri pianakan waktu kotoran, nyeurina meh sarua jeung dipatil sumbilang (lauk laut).

Tajam nyaeta Meh sarua jeung disentri, kasakit beuteung nu dilantarankeun ku baksil-baksil; nu tajam sok ngayer (murus), sarta kotorana sok pacampur jeung geutih atawa bubudur.

Tampek nyaeta Kasakit kulit, ateul semu panas, tumerapna biasana ka budak.

Tibar nyaeta Kasakit sarupa bisul matana tujuh.

Tuju nyaeta Kasakit nyeuri tuur atawa cangkeng, tumerapna ka jalma nu geus kolot.

Tujukuriling nyaeta Kasakit lanjung (lieur anu pohara).

Tujulajer nyaeta Kasakit nu sok tumerap ka awewe lantaran kaganggu sarapna, sok jengker.

Turuwiseun nyaeta Kasakit sarupa cenang dina biwir panon.

Uuseupeun nyaeta Kasakti dina tikoro, karasana nyeuri neureuy asa aya useupan.

Wasir/bawasir nyaeta Ambeyen, kasakit dina bool, nongtot bool.